محاوره عبد الحسين الحلفي وشهد

شهد
انته الي اتعنيت وانته الردتني
من دخت كلش بيك رأسن عفتني

عبد الحسين
تمشي ويه غيري شلون ما اقبل بهاي
وك انا اغار عليك من تمشي وياي

شهد
ها ناسي ها مليت ها لو قرولك
لو شفت غيري يلوك طوله ويه طولك

عبد الحسين
ما مره وحدي مشيت من نمشي اثنين
لو انته تمشي وياي لو دمعة العين

شهد
شو ماكو شو ما جيت شو مختلف ليش
ما تدري بلحسرات هدت علي بيش

عبد الحسين
من عدك مدري شطاح من كتلي رايح
من دوورو وياي ثاري انه طايح

شهد
ها صار الك ما صار نشدوني كلهم
شتكول اكول ايصير لو صار اكلهم

عبد الحسين
هلكد حلا حط بيك سبحانه ربك
خلانه مزدحمين دوم عله دربك

شهد
يل تسحك عله الروح عمي ارد اوصيك
اسحكه بس علكيف حتى استلذ بيك

عبد الحسين
يل كتلي شو مسطور دايخ شتنطر
تغشم بروحك ليش غير انته تسطر

شهد
ودعتك ورديت بس شنهو رديت
بس دمعه تمشي وياي زفتني للبيت

عبد الحسين
هلكد حلا حط بيك سبحانه باريك
دورلك احلى اوصاف حطهن شلع بيك

شهد
هلكد حلا حط بيك سبحانه داراك
يمكن قبل هابيل ربك بده وياك

عبد الحسين
هلكد حلا حط بيك سبحانه قادر
بس الحلك موضوع يترس دفاتر

شهد
هلكد حلا حط بيك جلت قدرته
حتى اليصلي الليل داخ وسطرته

عبد الحسين
هلكد حلا حط بيك سبحانه قدوس
اليبوسك المفروض يتوضه ويبوس

شهد
هلكد حلا حط بيك سبحانه قيوم
بس اليشبكك فاز هيعون الهدوم

عبد الحسين
تكتل حلات البيك كفينه شرك
خليت الاعمى يشوف من فلك طرك

واني تحياتي الكم

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

وااااااااااااااااااااااااااااااااو

روعه وربي

عاشت الايادي همون الورد

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

مشكور على هذه المحاوره الجميله
كلها ابداع
لا تحرمنا من كل جديد
لك تحياتي و تقديري
بنت كربلاء

مشكورين ع المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

والله محاوره روعه
واني شفته على قناة الفيحاء
يسلمووووووووو هموني
تحياتي لك
الفراشه