آخر محطة ......... قصيدة منقولة

آخر محطة
قصيدة من نظم احد الشعراء انقلها لأنها اعجبتني كثيراً

بعد من عندك وكافي
انته آخر قصيدة واقفل شفافي
ترهدن وامرح ابممشاك عالدلال
فوت بزود واردس ردس متعافي
ولا اكلك بهيدة وحيل اكلك دوس
بس وجد الحدرك واج لو طافي
اخافن تحترك والالم بيّه يصير
واتمايل واجيك ابخلك مو صافي
تحفيت ونكلتك والدرب عاكول
ما كتلك تعال وساعد الحافي
وعلى اجتافي حملتك والظهر مكسور
والهسة وبعد ما مان اجتافي
لأن شفتك وفي ومن ضايكاني الروج
صرت اشراع الي وحفزت مجذافي
ورغم صدق المشاعر والسجايا البيض
الود والترافه وطبعك الدافي
اشتهيتك بالحلم تلجمني حته اغتاض
ونمت مجروح شو صبحت متشافي
ابياهو تريد ابدلك يا ترف وانساك
وانه من اوصفك جني اوصف اوصافي
انته آخر محطة او بيهه اريد ارتاح
يا ادرى الخلق بثكالي واخفافي
العمر ما يسمح انزل بعد للساحات
قررت اعتزل وانته آخر اهدافي
واذا مليت مني احجيهه بيضة وروح
واعمل باليريحك يا نبع صافي
وابد ما اعترض لو اعرف اموت اليوم
واحسبهه وفة وطبع الوفي يوافي
واخلص من عندك وكافي
او عاتبني اعله كيفك كول هذا شكال
لو جلمة شعر تطلع من اشفافي

شكراً على المرور الجميل اختي الغالية انتم تسعدونني دائماً[b]

لأن شفتك وفي ومن ضايكاني الروج
صرت اشراع الي وحفزت مجذافي
ورغم صدق المشاعر والسجايا البيض
الود والترافه وطبعك الدافي



رااائع اخي مهند

اسلوبك الراقي في الاختيار يشدني كي افتح متصفحك عدة مرات

جميل ما تركته بين ايدينا رغم المهى

دمتَ لنا بهذا النزف النقي

ودي...

اسعدني كثيراً مروركِ الجميل اختي همس الشوق
شكراً لكِ ولكل الاعضاء تقبلوا تحياتي