واخيراً حصلت على قصيدة الكودري كاملة

هاي قصيدة كودري القصيدة الاروع للشاعر عباس جيجان
حصلت عليها بطلاع الروح
رجاءاً رجاءاً اكو بعض الاخطاء بيهه اكيد لأنهه نقلت عن سماع
اللي يكدر يصحح اكون شاكر اله

كودري

انتي احلى من القصيدة واحلى جلمة بدفتري
وانتي شمس الله ومشت عالكاع حكج يا شمسنة تمختري
واتصوري شكد انتي حلوة تصوري
انتي احلى من البنات والبنات بشوفتج ردن كري
ولو اكو قيس بعصرنة جان عاف ليلى العامري
جا كتب عنج قصايد جا تسودن بيج والله وهام مثل الغجري
وتصوري شكد انتي حلوة تصوري
انتي وين وآنه وين انتي وجهج جنه نيكل
وآنه وجهي ازرك جنه وصلة كودري
وتصوري شكد انتي حلوة تصوري
انتي للعشار لومرة نزلتي يحترك سوك المغايص
وسوك حنّه الشيخ كله يبيع سوكة ويشتري
وتصوري شكد انتي حلوة تصوري
انتي اهلج بالجزائر وآنه اهلي بكتر من حي الحسين وما يفيدج معشري
انتي بعيونج زراك الماي كله ونخل بصرتنه الجميلة
وآنه حدر من المناظر غاب واظلم ناظري
وتصوري شكد انتي حلوة تصوري
بهيدة يالتمشين هيدة ..هيدة مشيج سامري
انتي مو عالكاع مشيج والله مشيج على روحي
شوية عيني تصبري
حني يالمابيج لوله وبلجي يكسر خاطرج من خاطري
آنه ذوبني الحنين وانتي كلبج ما يحن وحجري
*****
صح انتي احلى من الورود وانتي احلى من البنات
شوية عيني تساهلي
كلشي الج وآنه بس الماكو الي
انتي وردة جوري حمرة
وآنه ذابل وبيه فقر الدم وراسي ومنجلي
وامي من شافتج امي كالت
هاذي مفتولة فتل جنهه فتلة مغزلي
وتغزلي بس بيج يحلى تغزلي
وتمحجلي بفجوج كلبي تمحجلي
وتدللي وكولي علي وتدللي
أنه الضحيت لجلج وانتي ما ضحيتي الي
وعلى مودج بطلوني من الاعلام الداخلي
******
حبج صبح نبض الكلب يمشي ويغذي الشريان
لا!! حبج صبح مثل الخمر وبلا فكر خلاني افتر بالشوارع سكران
ما جني من هاي البلد جني غريب ويستحي من ينتجي اعله الحيطان
وقصة هوانا توضحت مو بس هلي يعرفوهه حتى الجيران
ولو متت دمي بركبتج شيخلصج من العربان
ذوله هلي يردولهم حكة خشم وانتي غزالة مضمرة بالتربان
ولو فرض القسمة الي ما اخلي وداعتج باب اتحاد النسوان
*****
شيصير لو مرة سألتي وكلتي هذا المتلوع بيّة صار اشلونه
طبع اليحب ينشد على الناس الذي يحبونه
وطبع اليود يذبح الروح الغالية بس كونهم يردونه
وادري الحجي كلمن اله والناس شو كلمن صبغته ولونه
ولونج ورد جوري الصبح والناس تتمنه ولو مره بهنه يشمونه
سولفت لامي البارحة يايمه شو جنهه الشمس والكمر من عدهه تصور لونه
ومن كثر ما امي وخواتي تسودنن من خدودج الحلوات حطن عالمرك معجونه
******
خلي ايدج ابأيدي تدور وخلينه بالريح نطير
ونعلي يم آخر سمه واشواكنه عصافير
هوه اليحب لو يحترك لو ينسعد بجناح فراشة يطير
درب الجزائر بززج مشتوللج بسامير
وحي الحسين يصيح يفلانه يالكلج وفه وبشوفتج كل الخير
شعرج من يطشره الهوه كلبي يصير كوافير
هذا الحجي كلله صدك وخلي يفصلوني ويفصلونج سوه بفد تقرير
________________________________________________________

تم تعديل الموضوع من قبل مشرف أقسام الشعر مع الشكر ...

عزيز هنودي الورد

فعلا قصيده ولا اروع

كلمات جميله

عاشت الايادي اخويه

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

عيوني حمادة انته الاروع
مشكور عالمرور الحلو يا حلو

مشكور حبيب كَلبي مهند الورد

دومك والله مبدع وتتعب ويانه

تسلم عيناي أنت وعاشت أيدك حب

تقبل تحياتي

أسعد العزاوي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

اخي مهند...

ذائقتك اصبحت لنا في منتهى الذووق

كنت هنا و استمعت و استمتعت الى ذلك اللحن الذي تركته بين ايدينا

راق لي ما نثرت لنا من رووعة حروف

فــ شكراً لك و تقبل مني ورده
[ندعوك للتسجيل في المنتدى أو التعريف بنفسك لمعاينة هذه الصورة]

حبيبي سعودي مشكور على ردك الجميل
والله دائماً تفرحني تسلمي يا ورد

تسلمين اختي العزيزة همس الشوق
انتي الذوق كله
سعيد بردكِ الجميل

الف شكر خويه مهند على القصيده الجميله
ننتظر جديدك
تحيتي

حبيبي تسلم
مشكور

» قصيدة....ذنب حبك حبيبي
» قصيدة عن الام
» قصيدة مقروءة في ذم دبي
» قصيدة صبرا يا وطن
» قصيدة الهموم