بس من عدنة احنة النجوم العراقيين الاصيلين ابو ذيات ليحيى العلاق

بسم الله الرحمن الرحيم
سونكم عمي
شون صحتكم
ان شاء الله زينين
اليوم جبتلكم احلى ابو ذيات
ليحيى العلاق
واتمنى تعجبكم

اسمنه بعد لتعده سوا عد

اوصافح غير ساعدنه سواعد

نسويهه مثل بترة سواعد

لاانشد ولاتنشد عليه

اطلك بيك يلشوفك وحامي

تعيل ادريك ووكفلك وحامي

تغثني اوارجع امدخن وحامي

اوبس اكبل عليك اتبيد اديه

صرت صوره اوضعهه الوكت بيطار

لان گكلبي خذاه اغراب بي طار

لويحظر الرازي وبن بيطار

اشيب راسهم ولعله هيه

حكي امنندب ابحضي وفالي

لان ماواحد ابربعي وفالي

زماني ضيع اشباجي وفالي

اوخله الزوري يتمظيك عليه

الدهر لاعب اجدادك لاعبالك

اومشو لاصايه تركو لاعبا لك

اذا مره ضحكلك لاعبالك

تره ابلحظه يراويك المنيه

انثلم سيفي ابغيابك مات حده

اوبعد مابارز احد ماتحده

عمت عينك يخايب ماتحده

انوليت اومبردك يضحك عليه

اجر بلروح من امشي گكواني

اوهاي الناس كل ضنهه گكواني

اكل بس خبز ولبس گكواني

ولا خلي بشر يعطف عليه

الوكت ياصاح جم صاحب غزالي

لفاني اوصابني اوخلبص غزالي

اعاين بلاارض مامش غزالي

بس الذيب عينه اتصد اليه

روحي اتفيض خير الخير من جل

ماذل النفس لاوحك من جل

خل دهري يصير اوياي منجل

انه التوث مايكدر عليه

الحزن بول اسنيني لازماني

ولا اهلي انصفوني لازماني

النذل رايدني اطيعه لازماني

جنت سارح گكبل بصخول ابيه

حسنك معجزه يالغز ياسر
الرمش يكتل وذا ماكتل ياسر
نخيت الكال صبرا ال ياسر
يحفضه ابجاه عمار اوسميه

سجاجين الدهر بس علي بشطن

اهد شيطان اطيح انوب بشطن

انشدك علرمل ولحصو بش طن

لان اجلاي بيهن حمل كيه

لكاك الكلب ماصدك معول

يلي اعليك بلشده معول

اشمالك رجفت اجدامك مع اول

رصاصه امنلعدو ثارت عليه

ابجيتك گكلت اجه لحمي وجه ادماي

اوگكلت بعد الضمه گلبي وجد ماي

دربك كثرت اشواكه وجدماي

ماتحمل بعد بزات هيه

حرت ياهو النجزه ولنظيفه

ابسبب خبطت الوصخه ولظيفه

صفه حتى النزوره ولنظيفه

يذب شكواه گكبل الجودليه

نظيف اوداخلي صافي ولبي

گكبل ماانخي افزع ولبي

الرئيسي ولااصل انه ولبي

اليدور علوفه خل يمر بيه

المرض كانون بضلوعي د وا لي

استفحل مابعد ينفع دوالي

ضغط سكر ربو قرحه دوالي

كله اوناسور وعصابي رخيه

علهم ولمصايب حالفاني

ولا فد يوم حظي حالفاني

تكلي اشلونه حالك حالي فاني

مثل حال الفنه ابصحراء ليه

........
تحياتي
نادر العراقي

مشكور على الابوذيات

ممنون منور الموضوع هنودي

تحياتي
نادر العراقي

الله الله عليك حبي

ابو ذيات ولا اروع

عاشت الايادي على النقل الجميل

نتظر ابداعك الجديد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

» تولعت بمنتدى النجوم وصار مجنون خل يكولون
» ابو ذيات حلوة
» ~ ْ أبو ذيات ..مو أبو أحمد ْ ~
» قصيدة التاخي الى كل العراقيين
» المالكي لا يخجل من دماء العراقيين!!!!