هموني العراقي
نجم خبير
العمر : 33
الجنس : 
المشاركات : 5435
الدولة : العراق ღ گلبي كربلاء
عدد النقاط : 14423
تاريخ التسجيل : 21/10/2007
 |  موضوع: قصيدة الشاعر الكبير جبار رشيد (خذني يمك)..شعر ""رائع""  الإثنين أغسطس 02, 2010 9:03 am | |
| خذني يمك بعد ماضل كل عذر لاتعتذر
ليل عمري وعمرك مخلص بعد مابيه صبر
خل نلم احلامنه وناخذ صورهن قبل لاياخذهن ابدربه الفجر
وخل نلم الباقيات سنيني وسنينك نسويهن عمر
وهنه ميكفن عمر؟؟
ونبدي من جده وجديد بواهس سنين الصغر
ولو وازانه الكبر
خل تمشي ايامنه بخطوة العاقل من عثر مره ورجع يمشي حذر
وخل نعيش الحب ستر
خل نظم ارواحنه ابيناتنه وي اسرارنه وما نشتهر
وأفتخر بيه وي روحك وآني وي روحي اضل بيك افتخر
خل نسوي العشره ورقه
ونصنع من الدمعه والضحكه حبر
حتى كل لحظه التمر بالجاي نكتبها شعر
وخل نكول الماضي غلطه وذنب يسجل ذنب من ينذكر
حبني لاتضل تعتذر
حبني واجبرني على حبك؟ الروح ماتعشك لون ماتنجبر
السيف ماينهاب لوماكو الطبر
حبني لاتضل تعتذر
واعترف راح اعترفلك
واحنه شو نفس الامر!!
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتوهمنه بالحب ننتصر
اثنينه انعاني الغدر
واعترف راح اعترفلك
كلبي جان شكد جسر
وآنه جتفت الجسر
وآنه وزيت الحمامه على النسر
واسمع السر الخطر
صنم؟ سويته ابديه وادري ماينفع يظر!
وحاطه كبالي وعجيبه الشوك
من عنده انتظر
وانته مثلي بهل أمر
صنم سويته بديك شتنتظر
خل نهدم اصنامنه وكافي الكفر
وبالكي نهده ونستقر
وبلكت وياك وانه وياي استمر
وبلكت المامر كبل هسه يمر
وبلكت جناح العشك لبعيد ياخذنه ويفر
ونترك الممنوع والميصير
خل نغط بلماي من صرنه جمر
وبلكي نصحه من السكر
خذني يمك كبل لايخلص صبرنه
ويطفه دم وجوهنه وتطلع صفر
خذني يمك كبل لاينحك ذهبها اطباعنه وتطلع صفر
خذني يمك كبل لا يم الصفر ينحط صفر ـــــــــــــــــــــــــــــــــــــــــــــــــــــــــــــــــــــــــــ [/center] | |
|
حماده العراقي
:: المدير العام ::
العمر : 104
الجنس :
المشاركات : 2744
الدولة : ๑♥๑العـراق ๑♥๑
عدد النقاط : 13992
تاريخ التسجيل : 19/10/2007
| | موضوع: رد: قصيدة الشاعر الكبير جبار رشيد (خذني يمك)..شعر ""رائع"" الثلاثاء أغسطس 03, 2010 4:58 pm | |
| واااااااو
شعر راقي
عاشت الايادي حبي هموني على النقل الجميل
نتظر جديدك
تحياتي | |
|
الفراشه
نجم محترف
العمر : 34
الجنس : 
المشاركات : 1846
الدولة : العراق_كربلاء الحبيبه
عدد النقاط : 12901
تاريخ التسجيل : 27/10/2007
| | موضوع: رد: قصيدة الشاعر الكبير جبار رشيد (خذني يمك)..شعر ""رائع"" الجمعة أغسطس 06, 2010 11:52 pm | |
| كلمات تعانق قمم الابداع
التي تظاهي بعلوها قمم الجبال
سلمت تلك الانامل التي خطت هذا الابداع
تحياتي
الفراشـــــه .. | |
|
Rfat
نجم خبير
العمر : 43
الجنس :
المشاركات : 2340
عدد النقاط : 12551
تاريخ التسجيل : 25/10/2007
| | موضوع: رد: قصيدة الشاعر الكبير جبار رشيد (خذني يمك)..شعر ""رائع"" الإثنين أغسطس 09, 2010 3:59 am | |
| خل نلم احلامنه وناخذ صورهن قبل لاياخذهن ابدربه الفجر
هموني اجه الفجر واخذهن لأحلامنه بدربه وعيونك
قصيدة رائعه للعملاق جبار رشيد
عاشت ايدك حبيبي على نقلها النا
تحياتي | |
|
هموني العراقي
نجم خبير
العمر : 33
الجنس :
المشاركات : 5435
الدولة : العراق ღ گلبي كربلاء
عدد النقاط : 14423
تاريخ التسجيل : 21/10/2007
| | موضوع: رد: قصيدة الشاعر الكبير جبار رشيد (خذني يمك)..شعر ""رائع"" الثلاثاء أغسطس 17, 2010 7:42 pm | |
| ممنون على مروركم ـــــــــــــــــــــــــــــــــــــــــــــــــــــــــــــــــــــــــــ [/center] | |
|
همـــــس الشــــوق
نجم خبير
العمر : 34
الجنس :
المشاركات : 2743
الدولة : بيــن "أن ـيـ ن ــي" و "ح ـ ن ـيـ ن ــــي" لــكَ...~
عدد النقاط : 15250
تاريخ التسجيل : 06/04/2008
| | موضوع: رد: قصيدة الشاعر الكبير جبار رشيد (خذني يمك)..شعر ""رائع"" السبت أغسطس 21, 2010 2:14 am | |
| | |
|
