أكسرミ♡彡 بابミ♡彡 گلبي

لاتزعل علينه گلوبنه تذوب
ماتدري الزعل شيسوي بينه

مثل ماتنذبح شمعه بسهم ريح
عصرنه الليل بعدك وانطفينه..

گلنّالك نحبك تزعل شبيك؟!
عسه لاگلنه عمي ولاحچينه

مدينتنه ظلام وعينك هلال
دفك شبّاچ عينك عالمدينه ..

يطيحن فوگ اديك سنينه دموع
غيروداعك شطايح بدينه

گمنه نخاف من عيونك عليك
گبلك چم نهر كاتلته عينه

ولاتضحك ضحكتك ترست البيت
عیون البیت تحسد مو أمينه

ولاتبچي أعله خدك لؤلؤ يطيح
أحنه بطرگ خدك وانعمينه

وأكسر باب گلبي بعينك وفوت
المايفتح الك تنشل يمينه

واوگف لاتدگ باب الگلب نار
بس أشرلي بيدك وانه افتحه

كتب گبلك جروحي ودمعي والآخ
أعله مودك شگگتهن صفحه صفحه...

مو حسبالك أضحكلك بطر.. لا
ولا آنه الخلي وبجروحي شحه...

بس ضميتهن حته أنت ترتاح
وحته احساس (أحبك) ماأجرحه

فرحني بعد لاتبخل وياي
گبلك ماشفت بالدنيه فرحه..

خناجر كلهه چانت گبلك الناس
واخرهم شهگ يم گلبي رمحه

واريدك خلگ سيف تجيبلي وياك
وخلگ الذكريات البيه أذبحه...

منقول

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

عاشت ايدك

نقل مميز

ننتظر الاجمل

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

عاشت ايدك
كلش خوش قصيدة

موضوع روعة عاشت الايادي
تحياتي
نادر العراقي

كلماتفي قمة الروووووعة

الف شكر خيو قصيدة جدا جميل

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.