(( ما ناسيك)) تخبببببل

السلام عليكم..

(( ما ناسيك))
أني ماناسيك اقسم....... باالاله
وأنت تعرف ذمتي وأيماني

بعد اكثر من قسم شنهو التريد
انت عايش وحدك..... أبوجداني

وتدري صادق ابد ما أكذب عليك
وأنت تعرفني شكثر حگاني

بيش احلفلك بعد..... وبيا يمين
اني ماأنساك........ لو تنساني

وتدري انت بغير شخصك مااعيش
..انت اهلي وعزوتي.... وخلاني

اني اهواك بفرط حد الجنون
واسألك ياصاح هم تهواني؟؟

وأنت هم مثلي تعاني وبيك نار
ومثلي گاعد علجمر ومتاني

ورغم كل هذاابد لا ماشكيت
ومؤمن بحبك قدر رباني

ورغم كل هذاوبعد عندك شكوك
وجرمتني وتعتبرني الجاني

وأني في حبك أنا المجني عليه
تعبتني ودمرت اركاني

مرة ردت اشكي الك بس ماصخيت
حاولت احچي ومنعني لساني

وگلي اسكت موحبيبك وأستحيت
وعلعتب الالسان مارهاني

ومن گعدت وياك كل همي نسيت
وگلبي يتحلف ألي أووصــــــاني

لاتغث ولفي ترة ازعل عليك
ولاتزييد حسرتي وأحزاني

وهدد أيوگف علي ضخ الدماء
وأدري بيه مسودن وشيطاني

وتتهمني أبزور وتگلي نسيت
وأنت أسمك مايعوف لساني

أشتهيتك وأشتهيتك وأشتهيت
أشبگك حيل واريح أحضاني

وكون الزمك بيدي ماهدك خلاص
ألا عالشفةاحط نيشاني

گاعد وأنطرعلى دروب اللقاء
يمته افرح والتقي بوجداني

يمته افرح والتقي بوجداني

تحياتي

منقول

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الله عليك همون الورد

قصيده روعه عاشت الايادي حبي

نتظر جديدك

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

حلوة كلش عاشت ايدك

مبدع دائما باختياراتك عزيزي

تحيتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

كلمات حلوة واختيار موفق
شكرا جزيلا لك اخي على القصيدة

شكراً جزيلاً على مروكم الراائع
.
.
.
.........

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

صدك قصيده تخبل
مثل ما كلت
عاشت اناملك