دارميات للحب حلاويــــــــــــــــــــــــة

الگلب يمك شال حط عينك عليه
لوما الك اهديه چا المن اهديه

مو انه گلبي يگول بيه انه عله
ودوايه شمس الروح تسكن ألحله

نصحت الگلب مرات گتله أترك الحب
كال ابتعد ليغاد خل شمســــك تطب

ما بيه حيل جروح يا گلبي بسك
جرحك غميج الفات لا تنسه نفسك

هنياله كلمن شاف حبه وتهنه
منه تصل چلمات وأحسبها جنه

يا روحي گومي وياي نتلگه الاحباب
أشعل ضلوعي شموع يم عتبة الباب

لوگتلك انه أنساك أحســــبني چذاب
وأنت أغله من الروح وأغله من الاحباب

ماأگدر أنه أنساك يل أنت كلشي
متطابگ ويالروح وبنصها تمشي

أنت الشمس وشلون گالو شمس فوگ
والله الجمال يضيع بــــــــــس يمك يلوگ





_________




تدري شوكت أنساك يا أغلى الأحباب
لمن يجيني الموت وأتغطه بتراب

تيزاب احط بالعين واتلفه بجفاك
فضحتني بين الناس تبجي على ملكاك


يمغرب اترجاك هاك اخذ العيون
خافن تصد للغير بـــــــعدك يكــــولون


من كلـــبي تطلع نار ولخدي تجويه
أشكر فضل هالعين تبجي وتطــــــفيه

سكران اضل سكران واروي على شوفك
بطرانه هاي الناس يردوني اعـــــوفك

[ندعوك للتسجيل في المنتدى أو التعريف بنفسك لمعاينة هذه الصورة]

تسلمين ياوردة دارميات روعه
ننتظر المزيد من مواضيعج الحلوة
دمتي لنا

بنوته

عاااااشت اديج

ايصل بنا اليأس بان نتمنى مصداقه الموت
الله يا شاعره
ابدع قلمك وصارع الحروف باجمل المعانى
كم اثرت بي نظرتك الحزينه هذى
لا استطيع القول الا ان الحياه بدون الحبيب هي الموت

تسلم حيدوري على المرور
معقول احبك وانشغل بهواك ... موش انصاف هذا وانه ما اقبل

ولو آنه اعترف هذا الجمال البيك ... من ربك هبه وما صانعك معمل

خليلك ثقـه وخليني اسولف بيك .. وخل احجي بمزاجي وكون ما تزعل

شعرك من تحلّه يتيّه الخيّال .. والوادم غفت جن ليلهم جلجل ..

وخدودك اشارة وكَف بيها السير .. ورموشك سنابل عوزهم منجل ..

حزورة الشفايف وانحجت للناس ... ولا واحد كدر ليهسه يلكه الحل

من احط راسي على صدري وانظر المكَفاك ..! حتــى الدم اشوفــه شلون يتحول
تسلمتسلم محمد على المرور

مشكوووووووووره بنوته العزيزه

حب الخلك بالكلب بس حبك براسي

حس بيه عاشك واحب واحترك بنفاسي

يحركني حبك جمر بس بارد احساسك

تشرب بكاسي الصحو واني اسكر بكاسك

يلما تحس نشوتي بنفاسي احس نشوتك

وذنبي وخطيتي بامل تتعلك بركــــــــبتك

مر بيه مره عشك ونكطلي من شفتك

واكتلني اريد انكتل صوب علي نظرتك

ماريد جنه عدن رايد انه جـــــــــــنتك