جَ ـرحتكّ حييل بعَعَعَتابيْ ~

جرحتك حيل بعتابي ولكن للجروح اسباب=انا من غيرتي مدري غلاك اصبحت مجنوني

حبيبي كان ما تدري ترى قلبي بحبك ذاب=واذا تدري علامك ياحبيبي تعشق طعوني

ترى مانته مثل غيرك حبيبي ويش جاب لجاب=وانا ماني مثل غيري وغيري دووم من دوني

عشقت الصمت ما ودي ازعل خاطرك بعتاب=اهدّي نفسي بنفسي وانام بكامل طعوني

تنام العين من كثر السهر ومن العنا واتعاب=وانا وقلبي معك في ذمتي لو نامت عيوني

طغى حبك على بوحي وعادات الغلا غلاب=تمون ولا حد ٍ غيرك بعد حبي لك يموني

مكانك وسط قلبي واسكنه واقفل عليك الباب=انا ما اسمح لأحد غيرك يجي من دونك ودوني

وابي حبك مثل حبي وابي كل الوجيه اغراب=ولا تعرف ولا يهمك احد غيري يامجنوني

دخيلك لا تزعلني تراك اقرب من الاقراب=دخيلك لا تضيق خاطر اللي فيك مفتوني

تعرف الحب والصبر وتعرف الصادق الكذاب=تعرف الشوق والغيره تعرف تحرك شجوني

احبك غير وانته غير احبك حب غير اعجاب=واشوفك دووم بعيوني واضمك داخل جفوني


منقول