انته العين. . . عباس جيجان

( انت العين )

تبقى انت ما انت بعيد....
انت العين وأكرب من جفنها....
ومن غريب.....
انت الوالد اللي يحظن بديه ابنه وبنته.....
ومن وحيد.....
انت الشعب كله بشيعتة وسنته.....
منهو اللي كالك ناسيك.....
هم ينسة الكمر وكته...
لو نبض الكلب يتنكر لدكته.....
بس عشكك عشك مفضوح.....
وعشك الناس كلها مساتر وسكته.....
صرت انت سبت وبركبه ايهودي...
هم شايف يهودي ايجوز من سبته.....
انت الفارس اللي يسبك هبوب الريح....
وما اظن الخيل سابكتة.....
وانت اللي يرهم اترابك كحل للعين....
ودوة للي ما شفت علتة.....
ومن طينك نحني اجفوف المعرسين....
ومن اصبع فرح من طكتة.....
وانت الريحة اترابك اترد الروح....
هيل...وزعفران....وعنبر بشمتة.....
ومثل تراب كاعك ما لكينة اتراب.....
يرهم للصلاة من طينة تربته....
انت اينام بيك المرتضى الكرار....
ابو الحسنين التلوذ الناس بشارتة وبخته....
وانت اينام بيك بكربلا حسين
اللي ما بايع الطاغية ودنك ركبتة.....
وانت اللي ظلت بيك شارة العباس....
لمن ***************.....
دنكلة الفرات وباسة من شفتة....
من طلعت منك يوم طرني البين....
كلبي وياي ما جبتة.....
اثاريني نسيتة اهناك....
عندك كلبي امنتة.....
شتلتة بجرف دجلة الخير....
وي سباح الشواطي شربكت بتة....
وانت دم عروكة ذيج الكاع......
وبماي الفرات ودجلة عمدتة....
ولمن صار ينكل جدمة بين الناس.....
اخذتة وياي للكاظم وعلى الشباك زورتة.....
صح هسة اصبحت من وطن نيدرلاند.....
هولندي الهوية وشعري جللتة.....
وصح اتاقلمت وي الغرب فد نوب....
وصرت ماصخ مثلهم والملح عفتة.....
وصح كمت ارطن رطنهم من يرطنون.....
ولسان العرب بالاعجمي كسرتة.....
لكن مدري شيصير بية من يمر طاريك.....
احسك دفو تموز بوسط شتة انتة......
وثاريني مثل طبع النخل لو طال.....
يرجع للاصول وتنحني سعفتة.....
العالم نسة يو اهدعش ايلول.......
وصارت بيك سالفتة.....
ناس اتكول لازم نحتويه....
ونشفط البترول....
ونعوض الراح ونسرك بركتة.....
وناس اتكول لازم الحصار ايدوم.......
وناس اتكول لازم ننزع اسلحتة......
وناس اتكول خطية....
اطفالة ماتو من الجوع......
وناس اتكول حيل وياه.....
ما حمد ربة وشاكر نعمتة.....
وانت بين هذا وذاك صاير شبح لليرمون......
وياهو الكام ضدك سدد تفكتة.....
جي انك حلو والدول منة اتغار.....
ما عدهم اللي عندك من مجد نلتة.....
انت اول وطن ادم وضع جدمة علية......
وكال يا الله ولنك وصلة من جلدة......
وانت اول وطن حبه النبي ابراهيم.....
ودعا ربة يصونة برحمتة وعزتة......
وانت اول وطن مرسى لسفينة نوح.....
والنبي ايوب ناخت بيك راحلتة......
وانت اول وطن علم الناس ابجدية ويكتب التاريخ.......
وانت اول وطن قانون سننتة.....
وانت اول وطن كالتلة الشمس ....
يمة صباح الخير....
واذا رادت تمسي... تمسي يم كبتة.....
وانت اول وطن ما تشبه الاوطان .......
مدري ربك شلون خالقك....
سبحان ربي شلون صورتة.....
صورتة العراق وبس علينة ايلوك.....
واحنا انلوكلة لمن يحن وكتة....
واحنا انلوكلة لمن يحن وكتة

عاشت اديج الاميره

على هالمشاركه الحلوه

تحياتي الك [ندعوك للتسجيل في المنتدى أو التعريف بنفسك لمعاينة هذه الصورة]

منور عيوني
شكرا ع المرور الرائع

تحياااااااتي

امـــــــــــــــــــــــــــــــــــــــــــــــــــيره دومكم مبدعه تحياتي الك

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ياورده هذا من ذوقك..

تحياااتي..

الله الله

قصيده في قمة الروعه

سلمت يداكي على النقل المميز

بانتظار القادم

مع كل الود

بنت كربلاء

مشكوووووره حبي بنوته على المرور العطر..

نورتي مصفحتي ..

تحيااااتي الج ..

روووووووووووعة
عاشت الايادي على النقل المتميز
تحياتي

مشكوووور على المرور العطر

تحيااااااااتي

ممكن قصيدة انتي احلى من القصيدة واحلى جلمة بدفتري بس كاملة رجاءا رجاءا للشاعر عباس جيجان

» مجموعة اشعار عباس جيجان
» مقتطف من رائعة الشاعر عباس جيجان (كودري)
» احمد الساعدي_من جديد 2008 عباس يا عباس اصدار كامل
» اعز ما عندي انته
» احبك مو لان انته حلو لا