احلى الابوذيات

حمامة و نوحها لنوحي يجاره*1* ********** و مدمعها مثل دمعي يجاره *2*)
(الدهر ما انصف ويـانه يجاره *3* ********** تعالي بهمنه نتجاسم سويــــــه)



( الدهر ما سل عليَ سيفه ولا حد********** اصيل و ثابت برايي و لا حد)
(ابــت اخلاقنـــه نـــــآذي و لاحــد********** الَـــه اللي بده ويــانه بأذيــه


الوكت لبيوت عزتــكم دواها********** و نــيران المحن بيـــكم دواها)
(طبيب الما لكًه لعلتـــك دواها********** عوفه و اسأل مجرب الاذيــــه)


اجفوفي مكًطعة ابلحظك اجرمن********** و بحبــك بعد ما اكًدر اجرمن)
( الصلى و صام ما حصل اجرمن ********** يـحيي العاشكً بوكت المـنيه)


( الف يا وسفة حيكم شلنه بيها********** كثيــرة جرح منكم شلنه بيها)
( اهل ذات الردية شلنه بيـــــها********** لو نعـــلكً العشـرة هيَـه هيَـه)




******

( هلي انعرفوا بطيبتهم و منهم ********** و كل خير انوجد بيهم و منهم)
(منهم من قضه نحبه و منـــهم ********** بكًــه ينتطر ساعات المنيــــه)

******

(استعر كًلبي بلهيب الشوكً و اجفه********** على اللي زعل مني و راح و اجفه)
(إلي ويـَـاه يــــوم الحشــر وجفـــه********** طويــــلة و النظر مرخوص اليـــه)

******

( متى هلال السعد بالعز يهلنــــه********** زمـان الشـــوم بالغربـة يهلنـــه)
( والله لمـــــن اذكركــم يهلنـــــه********** تشـب و تنـــطفي النيران بيـــه)

*****

( عكًب ما جنت للتكًبــــل أهلهـــــــا********** صرت دمعاتي ويا الدم أهلهـــا)
( غريبة و روحي من تذكر أهلهـــا********** أجر ونـه بأثر ونـــه خفيـــــــه)

*****

هنا ألغاز يصوغها الشاعر على طريقة االبوذية:

( شنهو الماعرف دنيه و لا دين********** و شنهو اللا رجل عدها و لا ديــن)
( و شنهو البلسنة تولد ولا دين********** و شنهو اللي سعى بارض الوطيه)

الجواب:

( الطفل الماعرف دنيا ولا دين ********** الحية اللا رجل عدها و لا ديـــــن)
( النعجة البلسنة تولد ولاديــن ********** الماي اللي سعى بارض الوطيــه)

أللغز:

( شنو هو اللي بتالي الشهر بشَــــر********** و شنهو البالي المخلوكً بالشَـر)
( و شنهو الماتيبسه الشمس بالشَر********** و شنهو الما ينام الا بتجيــــــه)

الجواب:

( الهلال اللي بتالي الشهر بشَــــــــر********** ابليس البالي المخلوكً بالشَـر)
( الثلج الماتيبسه الشمس بالشـَـــــر********** الفيل الما ينــــــام الا بتجيــه)

مشكووووور اخي حيدر على الكلمات

الجميل

شكرا الك جيفاروا على هالمرور الجميل

رووووووووووووووعة
تحياتي

شكرا الك حبيبي ألم على هالمرور الجميل


شكرا الك حبيبي حماده على هالمرور الجميل


تحياتي للكل


[ندعوك للتسجيل في المنتدى أو التعريف بنفسك لمعاينة هذه الصورة]