دارميات جديده

لا من انس يفلان لا انته من جان *** ميحل قضيتي وياك بس كوفي عنان

بهاي اشوفك طيف وبهاي اباريك لو تعمه هاي وهاي بالروح اخليك

صابر اظل اسنين وانطر ترجعين*** نشفيلي دمع العين يااجمل سنين

جمر وثلج فد كاس ينجمعن شلون***الجمر لون شفاك والثلج السنون

حيل ألكم اشتاقيت يل ما تنشدون*** ذنب الكلب يشتاق مو ذنب العيون

عيد ودمع وجروح يلتمن شلون؟؟ ..... كلما اگول انسا? تفضحنی العیون

بأخر نفس مخنوك وأتمنه اشوفك *** واعذرني بس الموت يجبرني أعوفك

الدهر بس وياي من يمشي يكزل *** بالنذل يصعد فوك وبالشهم ينزل

ليش النحبة اليوم ابسرعة يغدر *** ايحط بالظهر سجين وبالكلب خنجر

عوف المشاكل غاد ميل دربها **** لاتنتخي بالناس وانت بغربها

هم شفت هم سمعيت بالكلب شيبة***فراك الحبيب اليوم اكبر مصيبة

صاحبت ملك الموت حسبالي ماموت *** تاليها تالي الليل جايبلي تابوت

يهتز يريد ايطيح كلبي اعله فركاك *** لايرضي جرحي يطيب لاساعة ينساك

خاشوكه كون الروح وأرسلهه لشفاك *** كلما تضوك الزاد تتباوس وياك

تحياتي لكم أتمنا أن تنال أعجابكم