قصيدة الفقير$ للشاعر الكبير & نــائــل المظــفر &

حياكم الله ا .. شلونكم اخباركم ..
==========
قصيده $ الفقير$ للمبدع
من محافظه السياب
الشاعر
& نــائــل المظــفر &
=====
====
==
لا تكلي الشمس بيدي واحلامي بيد و لا تهيج عالفقير جروحه
ولا تكلي بعسرك ويسرك اعيش وانت قصرك للسمه يمد روحه
عوفني بحالي ترى انه بلية ايد وانت شباجك زحل ما الوحه
شلون ما تدري الحلم جرح الفقير ما تشوفه احلامه كد جروحه
روحي مذبوحة ذبح وتريد اطير امنيلي حظ يطير المذبوحة
لا تأملني بحجي الما جاسه ضيم جفي بقبوب السمه المفتوحة
و حظي دك ثبات بجناح الفقير لا يصعده و لاينزل سطوحه
انت بعدك ما نمت فوك الحصير و غمست لقمة ملح بملوحة
لا تلامسني بطرف صدرك أذوب انه من دم و لحم مو لوحة
و لا تمرجحني برمش عينك أخاف انه ما شايف رمش مرجوحة
و لا تكلي اتمرجح شمالك تخاف جنت اريدك للسمه توديني
بس اخافن ينكطع رمشك و اطيح و باجر تكلي طحت من عيني
روح دورلك محب يرهم عليك انه قاموس العشك طاويني
ما عشقتك واحنا بالطيش استحيت اشلون احبك من تجي تلاثيني
خلني راضي بفقري وانت ارضى بغناك وعوف عيسى بدينه وانه بديني
ولو خلاني الوقت بعت اللحاف يعني هسة بكيفي أمد رجليني
لكن ادري بدربي عن دربك بعيد ومن زغر هذا الفرق بجاني
انت دفاك الثلج عن لا تموت وانه ميت والثلج دفاني
وانت كاروك الذهب ما كفى اديك وانه كاروك القصب كفاني
وحتى لا احلم وامد جفي لسماك وانه ارضع كمطوا ذرعاني
وعن محبتك والله ما شدني الحديد هذا رمشك يا ترف شداني
والله احبك من زغر بس ما حجيت جنت اريدك تنسعد وي ثاني
ومن اجيت بلهفتك تسأل علي قلبي كله تمرجح بشرياني
تالي من غصبن علي كتلك نسيت روح دورلك محب وانساني
توسلت بلساني يحجيهة و تروح و من رحت عني قطعت لساني
انه كتلك لا تجي وجي ما اجيت راحت ببابك تدك بيباني

تحياتي

هموني

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكور حبي هموني قصيده رائعه

عاشت الايادي ياورد

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

اللهم صل على محمد وآل محمد

الله الله
عاشت اااااااااااااااااايدك
تقبل مروري

تسلم ايدك ياغالي

اشكرك على روعة القصيده

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

سلمت ايدك قصيده رائعه ومميزه

مشكورين ع المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكور هموني
على القصيدة

عاشت ايدك

تقبل مروري

بنت دجلة

تدللين ورده

شكراً ع المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

تسلم ايدك اخي ولكن اكو قصيدة اخرى للشاعر المبدع نائل المظفر عالفقير يكول بأحد ابياتهه
انهجم بيتك تكلي وبيت ابوك احنه عدنه بيوت خاطر تنهجم
ارجو ممن تتوفر لديه القصيدة كاملة نشرها في المنتدى او ارسالها على البريد الالكتروني
[ندعوك للتسجيل في المنتدى أو التعريف بنفسك لمعاينة هذا الرابط]

» ومضة شعرية غزلية للشاعر الكبير المبدع عبد الحسين الخلفي ارجوان تنال اعجابكم
» قصيدة الشاعر الكبير جبار رشيد (خذني يمك)..شعر ""رائع""
» قصيدة رائعة للشاعر رائد ابو فتيان
» قصيدة تحشيش على السادس علمي..للشاعر أسعد العزاوي
» قصيدة للشاعر المبدع جبار رشيد بعنوان ايام البعد