لنجف قلبي قصد مسيرة ْ~
نجم فعال
العمر : 30
الجنس : 
المشاركات : 326
الدولة : أصلي عليك أبا الفرقدين..عراق علي عراق الحسيــن
عدد النقاط : 11849
تاريخ التسجيل : 04/05/2009
 |  موضوع: عفناها برض الشام×  الإثنين مايو 04, 2009 1:19 am | |
|
السيدة الرقية طفلة الحسين
((ع ـــــليهما السلام))
للطف رجعنه اوجبت الاهل
بس طفلة ظلت خذها الاجل
عفناها برض الشام
***
اجيت وعايلة اويايه
اجت لكَبور ولياها
خُمار الهم يواريها
ويفت الصخر شجواها
رجعنه وعفنه طفلتنه
اليتيمه اللي فكَدناها
رقية ولمن اذكرها
تحن روحي اعله فركَاها
يتيمه ابديرة الغربة
نذير الاجل وافاها
دفناها ببلاد الشام
وحدها اهناك عفناها
اروي المصيبة ابفيض الدمع
امصيبة رقية هاك استمــع
بالدمع والالام عفناها برض الشام
***
رواية ابدمعي ارويها
وخل يسمع بعيد النوح
ومن يسمع مصيبتها
نهاره وليل خله ينوح
رقية اروي حالتها
ابكَلب متصوب ومجروح
وهاي طفلة ماتدري
ابوها ابكربله مذبوح
ابكل لحظه تناشدني
اعله ابوها والدمع مسفوح
تكَلي عمه يازينب
افراكَـ الابو ايفت الروح
تنشدني واتحن حن الابل
لفراكَـ ابوها المدمع يهل
وعلطفله كَلبي هام
عفناها برض الشام
***
النهار اتخلصه بالحسرات
والليل ابحزن وهموم
ومن كثر العتب نامت
وانها اتشاهد المظلوم
من شافت ابوها حسين
الطفلة فزت امن النوم
مرعوبة كَلب والعين
تتفايض دمع و دموم
تصيح ابصوت ياعمه
حضرني والدي ابهاليوم
وشفته ابحضنه واضعني
يحاجيني ابدمع مسجوم
هالساعة شفته وحيلي انضهد
ويكَول ابشرج حان الوعد
جن صدكَت الاحلام
عفناها برض الشام
***
الحراير حين سمعنها
اجن واتجمعن عدها
شافن حالة الطفلة
ثجيل الهضم ضاهدها
اعتلت صيحة نحيب ونوح
لسان الهم يرددها
وحين السمعها ايزيد
غده لاصحابه ينشدها
يكَلهم شنهي هالضجه
ومن ياكتر مكَصدها
كَالوله يتيمه اهناك
ذكرت فكَد والدها
هالطفاه مافاركَها الحزن
ليل ونهار اتنوح وتون
بيش الجرح يلتام
عفناها برض الشام
***
يزيد ايخاطب اصحابه
اعله هالطفله ومصيبتها
يكَلهم اخذوا ليها الراس
لعلها اتهيد حالتها
جابوا بالطشت الها
راس البيه عزتها
عكَب ذاك النحب سكتت
رقية وخفت ونتها
وحين اللي كَلبناها
لن حضرت منيتها
صرخه اعتلت من جرح الكَلب
ماتت رقية ابدار الغرب
من لوعة الايام
عفناها برض الشام
***
عن راس الابو اكَلبنه
رقية المعوله ولنها
رهينه اجل واعله الراس
ماتت وانكطع ونها
كَبل مانبتدي انشيع
نعشها الصوب مدفنها
جلبنه للغسل حرمه
تغسلها وتجفنها
كَبل مابالغسل تبدي
لن تنشد غدت عنها
سواده ابجلد هالطفلة
ماتت عن مرض جنها؟
كَلتلها والعبره تنهمر
هذا الاثر من سوط الشمر
والها العمر مادام
عفناها برض الشام
***
للشاعر: جابر الكاظمي
| |
|
حماده العراقي
:: المدير العام ::
العمر : 104
الجنس : 
المشاركات : 2744
الدولة : ๑♥๑العـراق ๑♥๑
عدد النقاط : 13998
تاريخ التسجيل : 19/10/2007
| | موضوع: رد: عفناها برض الشام× الثلاثاء مايو 05, 2009 12:11 am | |
| الله عليج ياورده
كلامات في قمة الابداع
عاشت الايادي وبارك الله بكِ
واسعدنا تواجدكِ معنا
نتظر المزيد من مشاركاتكِ
تحياتي | |
|
كربــــ بـــنـــت ــــلاء
نجم خبير
العمر : 35
الجنس :
المشاركات : 2899
الدولة : هنا و هناك
عدد النقاط : 13395
تاريخ التسجيل : 23/10/2007
| | موضوع: رد: عفناها برض الشام× الخميس مايو 07, 2009 12:29 am | |
| سلام الله عليكِ سيدتي و مولاتي
مشكوره عيوني على القصيده الرائعه لشاعرنه المبدع جابر الكاظمي
بانتظار القادم
لكِ تحياتي
بنت كربلاء | |
|
همـــــس الشــــوق
نجم خبير
العمر : 34
الجنس :
المشاركات : 2743
الدولة : بيــن "أن ـيـ ن ــي" و "ح ـ ن ـيـ ن ــــي" لــكَ...~
عدد النقاط : 15256
تاريخ التسجيل : 06/04/2008
| | موضوع: رد: عفناها برض الشام× الخميس مايو 07, 2009 3:07 am | |
| مشكوره حبيبتي ع روعة الاختيار
ننتظر جديدج بشوق غاليتي
تحيــــاتي
نوراا | |
|
لنجف قلبي قصد مسيرة ْ~
نجم فعال
العمر : 30
الجنس :
المشاركات : 326
الدولة : أصلي عليك أبا الفرقدين..عراق علي عراق الحسيــن
عدد النقاط : 11849
تاريخ التسجيل : 04/05/2009
| | موضوع: رد: عفناها برض الشام× الأحد مايو 31, 2009 12:38 pm | |
|
شكرا ع المرور
بارك الله فيكم
اسعدني تواجدكم
نورتم الصفحة
مع تحياتي
نهى
| |
|
