ما احساسك قصيدة رائعة لنائل المظفر

ما أحساسك
يسألني الصحفي الاوربي ؟؟
مااحساسك..
وانته الان بنص اوربا في قمة عصر التقنية
مااحساسك..
وانته اتباوع وجه الصحفي ابيض من صدر الصحفيه
مااحساسك..
لو بليزر محو امراضك اسهل من محو الامية
مااحساسك..
لو عالغيم اتعلك شقتك
والنجمة اطب من نافذتك
وتبات بحضنك ليليه..
احساسي اتلفظه بانفاسك
من اني اسال وانته اتجاوب مااحساسك..
مااحساسك ..
لو يتبدل حالك حالي وناسك ناسي وناسي بناسك..
مااحساسك.. لو تصبح اكثر شعبية
مااحساسك.. لو تكعد بالحيانية
مااحساسك لو كل ساعة مأجر غرفة
ونگله اچوالاتك يومية
لا من شغلة ولا يومية وضلت بجيوبك بس مية
مااحساسك .. بيش اتجيبون الكمية
مااحساسك ..
لو صوبتكم ماتتعله ولا تتنصه ولا تتطفه
الا اتبخ فوكاها اميه
مااحساسك..
لو وكتك ضكك فد نوبه تداين خبزات وروبة
وخبز وروبة وخبز وروبة ..
وافرض جيرانك ضكتّك خويه انريد افلوس الروبة
مااحساسك.. من تضطر اتبيع الصوبة
مااحساسك..
من تفتر بسوك الجمعة وشايلك من بيتك سلعة
عمي بتسعة عمي اتوكل بالله بسبعة
شايف خير وتستاهلها سلعت بيتي ابيتك خلها
ومن يكعد يحسب بفلوسك وي كل ورقه اتنزل دمعه
مااحساسك..
لو يوم اتخلص كميتك والجوع يلوج ابذريتك
تبجي دموعك تبجي اعيونك
بچيك مايترس صينيتك
اتكوم ادعي وانته اتصلي باصدق نيتك يارب يا ريتك ياريتك..
ترحمنا يارب ياريتك.. تنصرنا يارب ياريتك.. ياريتك ..ياريتك..
والصاروخ ايطيح ابيتك
مااحساسك.. لو نص ابنك طك براسك
مااحساسك..
لو كتلك اترك احزانك حس بشعبك وبجيرانك
مااحساسك..
لو عينك شافت بنتين بعمر الخمسة
وست اسنين رادن يمشن رادن مرة بلعبة يركضن
بس ماكدرن
متعوقات بلا رجلين اتخيل عدهن رجلين
ويلعبن حليه براسك
مااحساسك
مااحساسك..
لو مريت بسوك وبتك كالتلك بابا جوعانه
بابا جوعانه جوعانه
تكسر كلبك
اتكوم اتمد ايدك بجيوبك تلزم فخذك ماكو ابطانه
وثكل الدمعة ينزل راسك
مو للكاع لشوفت بنتك انقهرت كلش باستك
مالازم بابا وندمانه
تسمع صوت ايصيح ادفعلي
وصوت الثاني ايكلك انه
لا انه وانه لا انه وتباوع كلهم ديانه
اشرف واحد بالديانه
اتجسر مد ايده بجيبك
لن بس رجليك العريانه
ماكو ابطانه طلع ايده
راح الاول راح الثالث راح الخامس
مااحساسك..
فخذك يعلن عن افلاسك
مااحساسك..
لو راسك بيه لعب الشيطان
وبكلبك قل الايمان
شنهي هالعيشه
خوف وذلة
وظلم وحرب وجوع ودربك ماتكدر تندله
وماتملك بالدنيا جكارة هم حاسب نفسك انسان
سويلك يمعود جارة اتكوم اتصيح ياشيطان..
ياشيطان..
بس عدالله اهناك الجارة بس عدالله اهناك الجارة
وتجيّت حدر السيارة
مااحساسك..
لو كض ابريك وماداسك
مااحساسك..
لو اني السبب بالامك واتجسر واوكف كدامك
واجرأ واسال مااحساسك..
مااحساسك.. مااحساسك..
احساسي اتلفظه بانفاسك
من اني اسال وانته اتجاوب
مااحساسك.

كلمات معبره

سلمت يداك

بانتظار كل جديد

تحياتي و تقديري

تقبل مروري

بنت كربلاء

الللللللللله

احرف تعمق الاحاسيس من جضوره

و تعطي له مشاعر مجنون

كلام راعه و معاني اروعه

عشت الايدي

و تسلم اناملك

نانتضر كل مهو جديد تحياتي و تقديري نو ركربلاء

بنت كربلاء

نور كربلاء

مشكورين على مروركم

الرائع

تحياتي

» قصيدة رائعة للشاعر رائد ابو فتيان
» رنة كلها أناقة وذوق وترفع احساسك فوق
» نائل المظفر
» الغابة ((نائل المظفر))
» نور الحسين ... نائل المظفر