رائعة الشاعر نائل المظفر
الحب الأول
لأنك بالتزامك مو من اهلك
أخاف تشيل ذنبي مومن اهلك
منو بكدّي يحبك مو من اهلك
منو بكًدي يحبك من عشرتك
وتمنه يصير أصبع من عَشرتك
وأنه شكضيت خايب من عِشرتك
أعد بسنين عشرتنه وهي أجروح
وأحس ويا لنفس يطلع وهَج روح
وأخيرن كًتلي ودّعني وهِج روح
أروحن وين مااكًدر هوه أنته
وأنه ألما هان من أجلك هونته
إلي بدنياي شي واحد هوأنته
وحرت بين ألتركته وأن تبعته
أنه ألونيت وألون وَن تبعته
ماباعك حبيبك وأنته بعته
حبيبك باع عمره واشترك بيه
وحزن كًلبه على حزنك وأشترك بيه
وبعد شدّوس كًلبي وشترك بيه
جبل حبه وتكًلـكًل من تكًل بيه
و يدنيا شما دفعتيه لَن تكًل بيه
وإذا تنساه يكًلبي لنته كًلبي
ولا ريدك بعد وبصدري أحملك
وحبيبي شلون ترضه بصد رحم لك
أذا حِملك يتعبك بصدري أحملك
ألي وروح ألأرض وشكًد دولها
وتداوي ألداء لو بالمخ دولها
بس ألعين مايحصل دولها
دواها العين خِـلها من تقربيه
وتصب كلما نشوفك منته قربي
ولك شيصير حبك من تقربيه
تحبني أنته يقين بصدري موشك
ألف شوكة سكوت بصدري موشك
أنذبح كًلبي وتشضّى بصد رموشك
وعرف مَـّحد يدفنه وشي دفن شي
وعكَـب صدر ألمواقد شي دفن شي
كفر من رسم غيرك شي دافنشي
وأضن للجنة يدخل من يرسمك
وحبيبك يمسح أسمه من يرى أسمك
بسمك حبي جمالك من يرى أسمك
وأنه ألليل بعيونك شفته كُـحله
وشفت شمس ألأصيل وشفتك أحلى
ألعسل من ضكَـته كَـلك شفتك أحلى
إذن لومن شفاهك بستك اشفه
إذا انته المات يعدل بس تكشفه
شتضن حبك يضعفك؟ بس تكشفه؟
وعلي تخفي اهتمامك واكتراثك
وأنه المن مات كَلبي ووكتي راثك
نسيت الحب الأول وك تراثك
صدك ينسه تراثه هسه جيلك
وتشوف سواجي عيني هالسجي لك
وأنادي وماتكَـلي هسه أجيلك
صحتلك يا وصارت كُبري يائي
وإذا راءيت بالشط كب ريائي
حبيبي شلون تجرح كبريائي
وتذلني كَبال كل ناسك وناسي
وبقيت بصحرى شاتلني وناسي
ناسي تكَول لا تسكت وناسي
لئن كُلش مذلتي لاكَـت الهم
وجبل حبي المقدس لاكَه تلهم
كَالوا حبك ذلّـك لا كَتّلهم
عناية أحتاج كَلبه وجيت أعانيه
وخفيت شكثر عنك جاي أعانيه
تمر مرني من أزورك جايع آني
شكَثر ندمان جي بيتك عتبته
وعرفني الباب من دكَتي وعتبته
عتاب وياك جي أحبك عتبته
كَلبي شلون يمهم وك كسرته
أسير وذل شجالك وك أسرته؟
كَبل جانت أسرتك وك أسرته
أسرتك هسه سمّتني ألضحية...
*************
موضوع: اروع ما سمعته للشاعر المبدع نائل المضفر 
الأربعاء مايو 26, 2010 3:11 pm
